افضل الاكلات المصريه بنكهات مختلفة - عالم حواء
اكلات ووصفات مصرية ، بنكهات مختلفة من حول العالم ، رائعا وتصلح كوليمة جماعية ولجميع المناسبات العائلية ، انصحك بالقيام بها في حال كان الوقت الذي تمتلكيه قصير كونها سريعة التحضير وسهلة وتوفر المكونات في كل بيت .
(( طريقه عمل الفته المصري ))
تعتبر الفته من الاكلات المصريه الشهيره والمحببه لدي كل البيوت المصريه ، وتعتبر هذه الاكله من الاكلات المرتبطه بعيد الاضحي عند المصريين ،وتعتبر الفته من اجمل واسهل الوصفات.
(( مكونات الفتة على طريقتي ))
1_ كيلو لحمه او نص كيلو علي حسب الرغبه.
2_ ارز.
3_ عيش بلدي .
4_ صلصه طماطم .
5_ ثووم مفرووم.
6_ خل.
7_ سمنه.
8_ ورق لورا لسلق اللحمه.
9_ حبهان.
10_ فلفل اسود.
11_ ملح .
طريقه التحضير:
اول حاجه في حله كبيره فيها ميه ونحطها علي النار ونحط فالميه ورق اللورا والحبهان والفلفل الاسود.
واول ما الميه تغلي نحط اللحمه وطبعا اللحمه نكون غسلينها كويس جدا قبل سلقها...
• نغطي عاللحمه ونتركها حتي تنضج تماما .
نبدأ بتجهيز الرز، نغسل الرز جيدا ونحط حله عالنار ومعلقه سمنه ومعلقه زيت ونحط الارز ونقلب الارز مع السمنه والزيت جيدا بعد كدا هناخد من شوربه اللحمه كوبيتين شوربه ونحطهم علي الارز وشويه ملح ونقلب كويس ونغطيه ونتركه حتي ينضج.
نبدأ بقى بتجهيز الصلصه ، اول حاجه هنجيب حله ونضع فيها معلقه سمنه وبعد.كدا نحط الثوم المفروم ونقلب جيدا حتي يصبح لونه دهبي ويعد ذلك نضع الخل المناسب للكميه المستخدمه ربع كوب او اقل مع رشه فلفل اسود ورشه ملح بسيطه وبعد اول غلوه للخل مع الثوم نقوم يتنزيل الصلصه حوالي 3 اكياس صلصله او حسب رغبتك فالكميه المناسبه لكي.. ثم نضع نص كوب من الشوربه عليها ونقلب ونسيبها علي النار حتي تنضج وتذوقي وظبطي ملحك حسب الرغبه.
اخر حاجه نقوم بتقطيع العيش الي اجزاء صغيره ونضع العيش في صنيه ونضع عليها معلقه سمنه ونبدأ بتحميص العيش وتقليبو جيدا مع السمنه.. الي ان يصبح لونه دهبي واصبح متحمصا.. بكدا يكون العيش تمام.
• كدا نكون جهزنا كل حاجه خاصه بالفته نبدا بقي بتظبيط صنيتنا!
اول حاجه هنجيب صنيه كبيره ونضع فيها العيش المتحمص ونسقيه بشويه شوربه..
ثاني خطوه هنحط الارز بعد ما استوي تماما..
ثالث خطوه هنرص اللحمه فوق الارز..
رابع خطوه نوزع الصلصه علي اللحمه والارز وبقيت الصلصه نضعها في طبق ونقوم بتقديمه بجانب صنيه الفته...
(( الحواوشي بطريقة ولا اروع ))
الحواوشي من الاكلات الشعبيه الجميله التي يميل اليها الكثير من الناس في مصر والوطن العربي بشكل عام .
المكونات:
1_ نص كيلو لحمه مفرومه.
2_ بصله كبيره.
3_ 2 معلقه صلصه.
4_ بهارات حواوشي.
5 _ ملح وفلفل اسود.
6_ عيش بلدي بالعدد اللي تحبيه..
انا هستخدم 5 رغيف عيش بلدي..
هنبشر البصله كويس ونحطها فطبق غويط مع اللحمه المفرومه والبهارات والملح والفلفل الاسود ونقلبهم كويس مع بعض ونتركهم ساعه بالتلاجه.
• بعد ذلك نبدأ بفتح العيش ونضيف حشوه اللحمه المفرومه..
وندهن الرغيف من الناحيتين بالزيت خفيف خالص.
• ثم بعد ذلك نحضر صاج او صنيه كبيره ويكون ساخن ودي اهم حاجه عشان العيش مينشفش و ميلزقش منك فالصاج او الصنيه ونضيف فيها سندوتشات الحواوشي علي درجه حراره 170 لمده 13 دقيقه..
• في نقطه تانيه لو حابه تعمليها
_ بتولعي فحمه وتحطيها فصنيه الحواوشي وتطفيها بالزيت.
(( الكبده الاسكندراني ولا اروع ))
تتميز الاكله بسهولتها وسرعه تحضيرها ، وهي من الاكلات الشعبيه الشهيه التي تقدم في المحلات وايضا علي عربات الطعام ، ولكن يفضل الكثير منا ان يقوم بعملها فالمنزل.
حفاظا علي صحتنا وصحه ابنائنا .
المقادير:
1_ كيلو كبده بتلو..
2_ 3 فصوص ثوم مهروسين.
3_ فلفل رومي اخضر. وفلفل حار..
4_ ليمونه .
4_ ملح وفلفل اسود وكسبره جافه.
طريقه العمل:
نبدء بتقطيع الكبده شرائح مربعه صغيره بالطول ، تنقع الكبده في اللبن لمده ساعه لتنقيتها من اي سموم دون تضيع فائدتها وهذه من افضل الطرق.
•• نحضر صنيه او طاسه وضعي فيها معلقه زيت ونبدء بتشويح فص ثوم مع الملح والفلفل الاسود والكسبره الجافه ، ثم نضع الكبده ونبدء بالتقليب الي ان يتغير لونها.
بعد ان يتم نضجها اعصري عليها اللمونه لكي تحتفظ بطعهما ، من الممكن ان تقدم في سندوتشات او بجانب المكرونه او الارز والطحينه.. حسب الرغبه .
(( مكرونه بالبشمل بمكونات اضافية ))
انهارده هقدم لكم وصفه من اجمل واشهي الوصفات المحببه عند الكثير من الناس فالمجتمع المصري والعربي ، تعالو نشوف الطريقه مع بعض .
المكونات:
وبعدين تجيبي صنيه كبيره وتدهنيها بالزيت وتحطي عليها نص كميه المكرونه وتظبطيها كويس وبعدين تحطي عليها كميه اللحمه المفرومه اللي عصجناها وتفرديها كويس عالمكرونه وتقومي حطه بقيت المكرونه وتسويها كويس بالمعلقه وبعدين تضيفي بقيت البشاميل علي وش المكرونه وتحاولي توصلي طبقه البشاميل علي جوانب الصنيه كلها بالسكينه براحه عشان الجوانب متنشفش.
دخلي الصنيه فالفرن علي درجه حراره 220 درجه مئويه وبعد نص ساعه بصي عليها لو لقيتي وشها استوي ولونها بقي دهبي هاتي سكينه عشان تتاكدي اذا كانت استوت ولا لسا حطي السكينه فنص البشاميل لو طلعت السكينه نضيفه يبقي البشاميل استوي لكن لو طلعت السكينه وفيها بشاميل يبقي نسبها شويه كمان فالفرن .
إذا تمام استوت طلعيها من الفرن وسبيها تبرد خالص عشان تعرفي تقطعيها وتقدميها وهي متماسكه ، وبكدا تكون وصفتنا خلصت مفيش اجمل ولا اسهل من كدا امشي علي الخطوات مظبوط هتطلع معاكي احلي مكرونه اكلتيها فحياتك .
تعليقات
إرسال تعليق