امتي ابدء اودي ابني الحضانه
- اسئله كتيره بنسألها لنفسنا وبنكون محتارين وخايفين جدا علي ولادنا بين اننا نوديهم حضانه وبين اننا نخليهم فالبيت وايه مواصفات الحضانه اللي هكون مطمنه علي ابني وهو فيها من غير مكون خايفه وقلقانه.
- ( امتي ادخل ابني الحضانه).
فالمقال دا هوضح لكم تجربتي مع ولادي وليه اتضريت اني ادخل ابني الحضانه وفسن كام.!!
- ⬅️ فالبدايه اول ما ابني بدأ يتكلم كويس كان سن 3 سنوات وكان بيتكلم كويس جدا ماشاء الله بعدها بشهرين لقيت الولد بدأ يتأتأ فالكلام ( تقطيع فالكلام) وكمان كان بيعيد الكلمه كذا مره.
- طبعا انهرت وتعبت جدا بسببه ازاي حصله كدا وايه اللي وصله لكدا!!
- (امتي ابدء اودي ابني الحضانه)
- ⬅️ بدأت اشوف انا طول اليوم بعمل ايه معاهم لقيت انه كان معظم وقته بيقضيه ادام قنوات طيور بيبي واعاده الاغاني فالقناه طبعا الولد كان بيركز جدا مع الاغاني وكان بيردد الاغاني معاهم.
- ◾لما ركزت فكلمات الاغاني اللي بتتقال فاي اغنيه لاقيتهم بيعيدو الكلمه كذا مره زي مثلا ( احمر. احمر. احمر.) انا فالتفاح موجود.. انا فالتوت موجود..
- ◾لقيت انهم بيعيدو الكلمه كذا مره طبعا الطفل مش فاهم ليه بيعيدو الكلام فطبعا اخد انطباع داخلي ان اعاده الكلام شئ طبيعي وانه لما يعيد الكلام كذا مره دا شئ طبيعي.
- ⬅️ مثلا لما كان بيتكلم معايا كان يقولي ( انا. انا. انا. انا بحبك 😔😔😔😔
- ◾ طبعا لما كنت بسمعه بيتكلم بالطريقه دي كان قلبي بيتقطع عليه ومكنتش عارفه اتصرف ازاي ومكنتش بردو متاكده ان السبب من التليفزيون.
- ◾ ممكن كمان لاني كنت بزعقلو فبعض الاحيان.
- اعدت الوم نفسي كتير وقلت لازم اشوف دكتور تخاطب انا كدا ابني هيضيع مني 😭
- (امتي ابدء اودي ابني الحضانه)
- المهم بحثت كتير وسالت كتير لغايه موصلت لمركز ولما سالت علي اسعارووو اتصدمت من المبلغ اللي قالو ومن المده الزمنيه اللي هيستغرقها مع الولد فالعلاج يعني استنزاف من الدرجه الاولي 😭😭
- المهم راجعت نفسي تاني فموضوع التخاطب دا والمبلغ!!
- وقلت انا ابني محتاج يروح حضانه ويكون فيها تخاطب منها انه يتعلم ومنها يتعامل مع اطفال ومنها هيبعد عن التليفزيون وعن اي شاشات وكمان فيها تخاطب وهيكون بنفس المبلغ وان شاء الله ابني يرجع كويس..
- وكانت الحمد لله بفضل الله فكره حكيمه وموفقه ♡!!
- بس طبعا كان لازم اختار حضانه بمواصفات معينه خصوصا ان ابني اول مره يبعد عني فهيتعب.
- المهم سالت كتير لغايه ما الحمد لله رب العالمين لقيت افضل حضانه بالمواصفات اللي كنت بتمناها 👇👇💥
- مواصفات الحضانه المناسبه لولادك
- اول حاجه مفيهاش tv.
- بيعتمدو اعتماد كلي علي الانشطه الترفيهيه والتعليميه..
- فيها اخصائيه تخاطب..
- فيها تحفيظ قرأن ودا كان شئ جميل جدا بالنسبالي..
- قررت انه هيكمل فالحضانه ومش هقعدو لانه زيه زي اي طفل لما بيقعد بيبقي عاوز ياخد التليفون يتفرج عاليوتيوب يلعب لعبه وطبعا كل دا بيأثر بالسلب علي تركيز الطفل وذكاءه وبيخلي الطفل يحصله تشتت وعدم انتباه وضعف فالبصر وحجات كتير احنا فغني عنها..
- ونفس التجربه كررتها مع اخته وفنفس السن( 3 سنوات و7 شهور)
- فالسن دا بيكون الطفل معتمد علي نفسه فالبوتي لانه خلاص قلع البامبز وبيعرف يدخل التويلت بنفسه..
- بيعرف يعبر ويتكلم..
* حبيت افيدكم بتجربتي فالموضوع دا لانه فعلا موضوع مهم لكثير من الامهات خصوصا لو اول طفل 👶
تعليقات
إرسال تعليق