👈عالم حوء هتقدم لكم طريقه عمل النايتي زي الجاهز بالظبط واحلي واضمن 💕
⬅️ المكونات :
_ 7 معالق من الدقيق .
_ 7 معالق من السكر.
_7 معالق من الزيت.
_7 معالق من اللبن .
_ 3 بيضات .
_معلقه كبيره من البيكنج بودر.
_ كيس فانيليا .
_ ذره ملح .
⬅️ طريقه العمل :
_ ابدئي بضرب البيض مع السكر والفانليا كويس اووي مع بعض لغايه مالسكر يدوب خالص ويستحسن يكون سكر ابيض
- بعد ما تضربي كويس ابدئي بتنزيل الزيت سنه سنه واضربي كويس وبعدين ابدئي بتنزيل اللبن واضربيهم كلهم مع بعض وبعدين ابدئي بتنزيل الدقيق والبيكنج بودر وذره الملح وانتي بتنزليهم اضربي كويس بعد ما كل المكونات تندمج مع بعض وتتضرب كويس مع بعض هاتي بقي صنيه مربعه كبيره ونزلي فيها الخليط بتاعك وافرديه في الصنيه كلها بحيث يكون سمكها رفيع ومفرود فالصنيه كلها بس قبل متفردي الخليط ادهني الصنيه بسمنه وشويه دقيق عشان الخليط ميلزقش في الصنيه .
_ عشر دقائق وهتلاقيها استوت .
_ طلعيها بقي من الفرن واقطعيها نصين واهني علي جزء منها الحشو اللي تحبيه سواء تحشيها شوكلت او مربي وبعدين حطي الجزئين فوق بعض وابدي قطعيها زي اجزاء النايتي وحطي عليه شوكلت علي الوش زي اللي فالصوره بالظبط .💚 وبالف هنا 💚
حضرتلكم وصفه تانيه لذيذه جدا وهي ♥
🍰 تورته الجيلي 🍰
💐 تورته الجيلي 💐
⬅️ المقادير /
◾ 3 باكو كريم شانتيه.
◾ كوب من الدقيق.
◾ كوب من السكر.
◾ 5 بيضات.
◾ رشه فانيليا.
◾ باكو جيلي نوع فراوله.
◾ معلقه صغيره بيكنج بودر.
◾ جهزي شرائح من الفراوله.
⬅️ طريقه التحضير /
◾ نبدء اول شئ بخفق السكر مع البيض مع الفانيليا
واخفقيهم مع بعض كويس وبعدين ضعي البيكنج بودر علي الدقيق وقلبيهم مع بعض وبعدين حطي الدقيق والبيكنج بودر علي خليط السكر والبيض والفانيليا واخفقيهم مع بعض مره اخري كلهم مع بعض الي ان يتجانس الخليط كله مع بعضه،.
◾ احضري صنيه ونزلي الخليط كله في الصنيه ودخليها في الفرن تلت ساعه الي ان يتم نضجها، وبعدين طلعيها وسبيها تبرد شويه.
◾ ابدئي بتحضير الجيلي
بوضع 2 باكو من الجيلي علي نص لتر من الماء المغلي ودوبيهم مع بعض كويس،
◾ هاتي بقي صنيه الكيك ونزلي عليها الجيلي وشرائح الفراوله المقطعه وسبيه يبرد شويه ، وبعدين قسمي الكيكه نصفين من العرض واحشيها كريم شانتيه
وشرائح فراوله وبعدين حطي النصف الاخر من الكيكه فوقيها وحطيها فالتلاجه لغايه متتجمد وتصبح متماسكه تماماً.
꧁ وبألف هنا ꧂
👈🏼 ثالث وصفه معانا انهارده وهي /
꧁ كبات الكوكيز بالنوتيلا ꧂
⬅️ انتشر في الفتره الاخيره كبات الكوكيز بالقهوه ولاقت استحساس الكثير ♥
انهارده بقي هنقدم حاجه جديده وهي /
( كب كوكيز بالنوتيلا )
🌸 تعالو نشوف المقادير مع بعض 🌸
◾3 اكواب من الدقيق.
◾ كوب سكر بني.
◾ 2 بيضه.
◾ رشه فانيليا.
◾ كوب من الزبده بدرجه حراره الغرفه.
◾ كوب سكر ابيض.
◾ معلقه صغيره من البيكنج بودر.
◾ ربع معلقه كربوناتو.
◾ نوتيلا..
⬅️ طريقه التحضير /
◾ احضري بوله غويطه ضعي فيها الزبده والسكر مع بعض واخفقيهم جيداً ، وبعدين ضيفي البيض والفانيليا عليهم واخفقيهم سوا مع بعض وبعدين ابدئي نزلي الدقيق تدريجياً واعجنيهم كلهم مع بعض
◾ بعد معجنتي العجينه ابدئي بتشكيل كور صغيره علي اد قوالب الكب كيك الصغيره وابدئي اضغطي عليها من الوسط بغطا او بأصبعك وبعدين دخليها الفرن علي درجه حراره 160 درجه مئويه.
◾ بعد مرور خمس دقائق طلعي الصنيه واضغطي عليها مره اخري من الوسط ودخليها تاني،
◾ اول متلاحظي تغير لونها الي اللون الذهبي طلعيها
من الفرن.
◾ سبيها تبرد شويه بعد متطلع من الفرن وبعدين ابدئي بحشوها نوتيلا..
🥰 بجد طريقه وهميه وروووعه بجد جربوها ومش هتندمو أبداً..
꧁ وبالف هنا ꧂
⬅️ بكدا اكون قدمت لكم ثلاث وصفات سهلين وخفاف جدا وكمان الاطفال والكبار بيحبوها عندك عزومه هتقدري تعملي المتاح عندك منهم سواء في مناسبه او في العيد او رمضان او كمان ممكن تهادي قرايبك وتدوقيهم حلوياتك الجميله وبجد احساس جميل جداً لما الواحد يعمل حاجه من ايدو 🥰🥰🙏
اتمني اشوف ارائكم واقتراحتكم 💜💜
تعليقات
إرسال تعليق