القائمة الرئيسية

الصفحات

افكار وابداعات لمطبخ لتسهيل حياتك


 

افكار وابداعات لمطبخ لتسهيل حياتك


⬅️ إليكي عده نصائح هتهمك جدا فبيتك ومطبخك ✔️


1_ عندما تحتاجين ان تثلجي الطماطم فالفريزر لاداعي لتقشيرها قبل ان تضعيها فالفريزر كل ما عليكي ان تغسلي الطماطم وتجمديها كما هي كامله.. 

وعندما تحتاجيها كل ما عليك فعله ان تضعيها تحت الماء الجاري فتزال القشره بسهوله.. 


2_ لتنظيف المايكروويف: 👇


ضعي ماء في اناء عميق للمايكروويف وضعيه في داخله  وشغليه علي درجه حراره عاليه لمده تترواح مابين 5 ل 7 دقائق ثم بعد ذلك امسحي جدران المايكروويف بقطعه قماش رطبه.. 


3_ الخضار المثلج: 👇

عند شرائك للخضار المجمد احرصي دائما علي ان يكون الخضار الموجود بداخل الكيس يتحرك بحريه داخل الكيس.. 

•• فإذا كانت مثلجه وملتصقه ببعض فهذا يدل علي انه سبق تذويبها وتجميدها مره اخري.. 


4_ازاله رائحه اليدين: 👇

•• يمكنك ازاله رائحه الطبخ عن اليدين بفركها بالخل. 

•• وازاله رائحه البصل عن اليدين بفركها بالبقدونس.

•• وازاله رائحه الثوم عن اليدين بفركها بتفل القهوه. 

•• ازاله رائحه السمك من اليدين بفركها بالليمون. 

•• والملح يزيل رائحه البصل والثوم من اليدين. 


5_ قشر البيض:  👇

 •• لا ترمي قشر البيض بعد استخدامه ولكن استخدميه بعد طحنه كنوع من انواع السماد للارض الزراعيه او في احواض الزرع المنزليه.. 

•• وايضا يستخدم كوجبه طعام لعصافير الزينه التي تربي فالمنزل.. 


6_ تنظيف الخلاط:  👇

•• لتنظيف الخلاط من البيض والحليب او اي مواد دهنيه كل ما عليكي فعله وضع كميه من الملح وقشر الليمون مع كوب ماء ساخن في الخلاط وشغلي الخلاط لعده ثواني وبعدها اغسلي الخلاط هيتنضف معاكي بكل سهوله.. 


7 _ الجبنه البيضاء:  👇

••  عند وجود كميه كبيره من الجبنه البيضاء وخوفا عليها من تلفها وعدم جفافها كل ما عليكي فعله تقومي بغلي قليل من الماء وتركه حتي يبرد ويضاف اليه قليلا من الخل والزيت وتوضع بالثلاجه.. 


8 _ قشر الثوم: 👇

•• افضل طريقه لتقشير الثوم هو وضعه في ماء بارد قبل التقشير.. 


9 _ ليفه غسل الاواني:  👇

•• احرصي علي تغير ليفه المواعين من وقت لاخر لان البكتريا سريعا ما تتراكم بين خيوطها عند استعمالها لفتره طويله. 


10 _ طريقه سلق البيض المشروخ 👇👇

•• عند سلق البيض المشروخ ضعيه في ورق الالمنيوم ثم اسقاطه فالماء المغلي.. 

•• اما عند سلق البيض الغير مشروخ بتضعي البيض في ماء بارد  حتي لا ينكسر.


11 _ زياده التوابل في الطعام  👇

•• في حاله زياده كميه التوابل في الطعام كل ما عليكي فعله هو اضافه بعض الزبادي فهو يقلل من حده التوابل.. 


12 _ تنظيف الالواح المستخدمه في تقطيع الطعام 👇

••  يجب الحرص علي تنظيفها بالماء الساخن والصابون ثم تطهيرها بالسوائل المطهره امر ضروري.. 

•• كما يجب ان لا تستخدم هذه الالواح مره اخره بعد تقطيع اللحوم والاسماك والدجاج فيجب قبل تقطيع اي شئ بعدها تطهيرها جيدا.. 


13_ للتخلص من الملح الزائد من الطعام  👇

•• اذا كان الطعام مالحا وهو مازال علي النار فيمكنك تقشير بصله او بطاطسايه وتقطيعها مكعبات كبيره وغرسها في القدر ولكن عندما تقومي بتقديم الطعام تقومي بإزالتها فانهما يمتصان الملح الزائد.. 


14_ لتحصلي علي اكبر قدر من عصير الليمون 👇

•• ضعيه في ماء دافئ قبل استخدامه بفتره بسيطه ثم اضغطي عليه بيدك علي سطح قاس مثل الرخامه ثم اعصريه.. 


15_ الدرجه المناسبه للثلاجه 👇👇

•• يجب ان تكون درجه حراره التلاجه 5 درجات مئويه فهي الدرجه المناسبه التي تمنع نمو الكثير من  الميكروبات وتكاثرها.. 


16_ لإطفاء الزيت المشتعل 👇👇

اذا تعرض الزيت للاشتعال قومي بتغطيه المقلاه كليا بغطاء او منشفه حتي تمنع دخول الهواء او تضعي عليه ملح 🧂 فينطفي بإذن الله.. 


17 _ حتي لا تدمع عيناكي:  👇👇

•• ضعي البصل في قدر به ماء قبل تنظيفه لمده نص ساعه حني لا تدمع عيناك عند تقطيعه او ضعيه في الفريزر لمده نص ساعه قبل التقطيع..


👈🏼افكار سهله وبسيطه  لنظافه بيتك ♥♥

 


افكار سهله لتنظيف المنزل ♥👇


* ضعي الخل مع سائل غسيل المواعين بيعطيها لمعان رائع.. 


* ضعي الخل مع الملابس البيضاء وهتلاقيها منوره عالحبل  ، كل اللي هتعمليه انقعي الملابس فالاريال مع نص كوب خل من غير كلور واتفرجي علي النظافه والبياض..


** اخلطي الديتول مع الداوني وامسحي بيها الابواب هتخلي ريحتهم تحفه دا غير نظافتهم..


** عاوزه حوض المطبخ يبرق من كتر النظافه نضفيه بإريال مع ماء وبعدين افتحي حنفيه الميه السخنه 10 دقايق واتفرجي علي نظافته بعد كدا..


** حوض مطبخك اتسد ومش عارفه تسلكيه حطي فالبلاعه ملح خشن وبعدين مايه سخنه..


** بقع الحبر علي الملابس بتروح بكل سهوله  لو دعكتيها بديتول غير مخفف..


** عاوزه رائحه البيت تبقي جميله قبل متكنسي السجاد حطي اي زيت عطري علي السجاد  ولما تكنسي هتفوح الرائحه فالبيت كله..


** الفحم فالتلاجه بيشفط الروائح الغير مستحبه..


** حطي شويه كربوناتو في قعر باسكت القمامه مش هتشمي اي ريحه فالباسكت بعد كداا..


** عندك ريحه غير مستحبه علي المرتبه رشي عليها كربوناتو وسبيها من نص ساعه لساعه هتسحب كل الروائح الكريهه من المرتبه..


** كمان الكربوناتو مع ملح الليمون بيساعد في نضافه اي شئ فهو منظف قوي للتويليت او البوتجاز او السجاد او الارضيات او لو حبيتي كمان تغسلي تلاجتك وعن تجربه حقيقي جربته فكل حاجه وبيخلي الحاجه بتبرق..


         🙏🙏🙏🙏🙏🙏🙏🙏🙏🙏

-----



رايحه فين تعالي شوفي شويه نصايح لمطبخك 








 

 👈🏼 شويه معلومات عالماشي تخلي مطبخك نضيف علطول ♡

1.طاسه القلي لازم تغسليها بعد كل مره بتغيري فيها الزيت.. 
2. لما تيجي تقشري الخضار او البصل قشريه فطبق بلاستيك مش عالرخامه عشان يبقي سهل ترمي اللي فيه وتغلسي الطبق بعد كدا بسهوله،  ومتقطعيش علي الرخامه عشان لونها ميغيرش وكمان الريحه متثبتش فيه..  
3. برطمان التوابل لما التوابل تخلص منه اغسلي البرطمان قبل متمليه تاني،،  عشان بخار المطبخ والروائح  متعملش طبقه عليها ويفضل البرطمان بيلمع.. 
4.خصصي قطاعه للسمك واللحوم والفراخ،،  وقطاعه مخصصه للخضار والفاكهه.  وكمان خصصي سكينه للحوم والفراخ  والسمك،  وسكينه للخضار والفاكهه. 
5.خصصي 4 فوط فالمطبخ وكل فوطه فيهم يكون ليها استخدام مخصص يعني مثلا:  
• واحده لتنشيف ايدك باستمرار وانتي فالمطبخ.
• وواحده علي باب الفرن تفتحي بيها الفرن وتقفليه وتمسكي بيها الصواني تطلعيها او تدخليها الفرن. 
• واحده لتلميع الرخامه ومسحها. 
• وواحده عالحوض تفصل بين هدومك والميه. 

6. بفوطه الحوض بعد كل غسله مواعين وهي مبلوله امسحي بيها البوتجاز واغسليها. 
7.فضي التلاجه كل يوم من الاطباق والحلل اللي ملهاش لازمه بدل متدلق عالفاضي وكمان عشان متعملش ريحه مش مستحبه فالتلاجه. 
8. لو عندك ديب فريزر خصصي كل درج لحاجه معينه يعني درج للحوم ودرج للاسماك وتقفلي علي الاسماك كويس يعني حطي السمك جوا كذا كيس واقفليه كويس عشان ميطلعش ريحه زفاره فالفريزر. ودرج للخضروات ودرج للتوم والبصل،، عشان مفيش حاجه تكرف عالتانيه. 
9.اكنسي المطبخ كل يوم ولمعيه  النمل مبيصدق يتلم علي اي حاجه. 
10. حطي فوطه عالرخامه عشان تصفي عليها الحلل والصواني قبل مترصيها فالمطبخ. 
11. المعالق والشوك والسكاكين لازم تتصفي كويس بعد غسيلها. 
12. لازم تغيري ليفه المواعين كل فتره متسيبيهاش لحد متجيب اخرها.. 
13. لو عندك فرن كهربائي او ميكرويف او غلايه ماء لازم يتغسلو اسبوعيا من برا وجوا،،  والغلايه لما تحبي تنضيفها من جوا امليها مايه وحطي عليها ربع كوبايه خل وشغليها لغايه متفصل.،،  هتلاقيها بتبرق من جوا.. 
14. خلي عندك باستمرار جراكن مايه مليانه او ازايز مايه عشان لو الميه قطعت فاي وقت  يبقي عندك احتياطي. 


👈🏼تكات مهمه اووي لمطبخك 💐💐💐







 شويه تكات هقولك عليها هتفيدك كتير في مطبخك 🦩♥


* قبل متنامي روقي مطبخك ونضفيه وخصوصا المواعين متناميش غير وانتي مشطباها. 
عودي نفسك علي كدا كل يوم عشان هجرك لمطبخك هيدفعك تمنه غالي ياحلوه 🙈♥

**بصي بقي لما تيجي تغسلي  اللحوم لازم تخصصي لكل نوع من اللحوم طبق مخصص يعني مثلا طبق كبير للحمه تغسليه فيها وطبق للفراخ وطبق للبط والحمام هتقوليلي وليه الغلبه دي هقولك عشان اللحوم فيها بكتريا ضاره ولازم بعد الاستخدام تغسلي الاطباق كويس بالخل والماء المغلي.. 

**بصي بقي الكبده مش بتتغسل بالماء 🙈🙈 طبعا اول مره تسمعي المعلومه دي ايوه ياست الكل مش بتتغسل بالماء بتتنضف بورق مناديل المطبخ وتتشوح مع بصله والتوابل ومعلقه خل وليمون وملح 🧂.. 

**علشان ملوخيتك تطلع خضرا ضيفي ليها رشه كربوناتو
وشوفي لونها هيطلع ايه وادعيلي. 
.. بعد متخلصي الملوخيه متغطيهاش غير لما تبرد عشان متسقطش..


** لما تعملي فاصوليا او بطاطس ضيفي للبصل وانت بتسويه معلقه سكر صغيره بتدي للاكل مزازه ولون الدمعه بيبقي تحفه وضيفي علي الطماطم معلقه ببريكا بتخلي اللون يفتح النفس واختاري طماطم 🍅 مستويه كويس وصفي عصير الطماطم كويس.. 

** اما تيجي تعملي كيك عشان يطلع مظبوط وناجح  معاكي اظبطي كميه البيكنج بودر المناسبه للصنيه واستخدمي نوع بيكنج بودر كويس وضيفي نص معلقه صغيره خل هيطلعها نفشه ولونها من جوا فاتح ومتفتحيش الفرن الا بعد 40 دقيقه ودرجه الحراره متزدش عن 180 درجه مئويه.. 

** سكينه المطبخ اللي بتقطعي بيها اللحمه خصصيها للحمه بس متقطعيش بيها السندوتشات ولا الفاكهه خصصي لكل حاجه سكينه عشان البكتريا متتنقلش من حاجه لحاجه  وطبعا لازم تتغسل وتتعقم كويس بعد الاستخدام بالخل والماء حتي لو هتنقعيها فيهم ربع ⌚ ساعه علي الاقل عشان تضمني نضافه الحاجه بعد الاستخدام.. 

** طبعا كل موسم بينزل خضار معين انتي بقي تعملي ايه هاتي مثلا البسله ونضفيها واديها نص سلقه واحفظيها فالفريزر ونفس الكلام فالباميه والفاصوليا واي خضار حتي الثوم فالموسم بتاعه هاتي كميه وافرميهم وخزنيهم فالفريزر والبصل نفس الكلام والطماطم هاتي كميه لما يكون سعرها قليل وافرمي وخزني فالفريزر كل دا هيوفر معاكي وقت كبير لما تيجي تحضري الاكل يدوبك هتطلعي الحاجه قبلها تفك وتبدئي تعملي اكلك يبقي انتي كدا وفرتي علي نفسك وقت وجهد وكمان شرا مش كل شويه مثلا هتشتري ثوم لا انتي بكدا هيكون عندك كميه تقضيكي سنه كامله لانك هتكوني جايبه كميه.. 

** علشان حوض مطبخك يبقي بيبرق علطول خلي دي وصفتك المعتاده لنضافته باستمرار حطي علي الصابون السايل خل  ،،  وملح ليمون 🍋  وكربوناتو وشوفي النتيجه بقي وهم الوهم بصراحه من ساعه مجربتها وهي فارقه معايا كتير نضافه وريحه ولمعان وكمان الكربوناتو بيشفط اي ريحه مش مستحبه ،، خلي الخلطه دي ديما كدا عندك تنضفي بيها اي حاجه (صابون سايل بريل وخل وملح لمون من عند العطار هي والكربوناتو)  يسلام عالجمال والنضافه..  وادعيلي.. 

**الفراخ بقي او البانيه والبط عاوزه طعمهم يطلع تحفه تبليهم من قبلها بيووم بجد وادعيلي بصي اساس اي تتبيله البصل والملح والفلفل الاسود  دول الاساس اي حاجه هتزوديها دي حريه شخصيه ليكي ابشري بقي علي التتبيله طمطمايه هتدي طعم مع البصل رائع وريحه طبعا جميله هاتي علبه زبادي وكسبره ناشفه وخل واعصري لمونه وتبلي الفرخه او البطه قبلها بيوم وسبيها فالتلاجه لتاني يووم ودوقي احلي واطعم فراخ او بط.. 

** افتحي كل يوم الصبح شبابيك البيت عشان تجددي الهوا اللي داخل البيت ويسلام بقي لو الشمس دخلت البيت،،  البيت اللي بتدخله الشمس مبيدخلهوش طبيب.. 

**  خلي لسانك ديما وانتي بتطبخي  يردد ذكر الله ♥ والاستغفار  عشان اكلك يطلع حلو وكله بركه دا غير الاجر المضاعف اللي بتكسبيه وانتي بترددي ذكر الله،،  ودي نصيحه امي ليا كل متشوفني تقولي لازم وانتي شغاله تستغفري  وتسمي بالله ديما قبل متعملي اي حاجه وطول منتي شغاله.. 

** عشان تخلي اكلك ديما وهم متخليش بيتك يخلي من التوابل خصصي درفه مخصصه ليهم عشان كل متحتاجي تعملي اكله تلاقي التوابل اللي انتي محتاجاها للاكله...

كفايه عليكم كدا انهارده وبكره نشوف معلومات جديده تفيدنا كلنا..
ويارب اكون قدرت افديكم ♥

  

👈🏼 افكار لتنظيف المطبخ رووووعه 🥰



 

🌸افكار روعه لتنظيف المطبخ 🌸


  ◽لازم كل فتره نفكر بعض بشويه افكار تشجعنا وتحمسنا لنظافه مطبخنا. ♥👌

♥ نصحصح كدا ونفوق مع بعض ويلا نشوف شويه حجات هتنفعك كتير فروتينك في نظافه مطبخك. ♥


◾ طبعا كلنا عارفين الخل وفوايدوو الكتيره جدا فالتطهير والتعقيم والتنظيف طيب ايه رايك بقي نخصص بخاخه ونحط فيها نصها خل والنص التاني ماء وخلي البخاخه دي للنظافه والتلميع اليومي رشي بيها علي الشبابيك والمرايات وتنظيف الحوائط والارضيات هتخليلك الدنيا بتبرق ومش بس كدا دنتي كمان هتعقمي بيتك وكمان رشي علي الاحواض والحنفيات وادعكيها وهتلاقيها بتبرق،،  حطي منه علي الصابون السائل صابون المواعين واغسلي المواعين والاطباق والحلل وهتشوفي الفرق هتلاقي كل حاجه بتلمع حرفيا.... ♥✔️🥰


◾ بالنسبه لليفه او سفنجه المواعين طبعا لازم تتغسل وتنضف باستمرار انقعيها في طبق غويط في ماس وملح واتركيها نص ساعه بعد كدا اغسليها كويس هتلاقيها نضفت وكمان اتطهرت.. ✔️✔️💯


◾ للتخلص من الروائح الكريهه في الثلاجه ضعي قطعه فحم صغيره  بعد تنظيفك للتلاجه وهتلاقيها طردت اي ريحه غير مرغوب فيها.. 


◾عندك حله او صنيه فيها صدأ ومش عارفه تشليه هقولك الحل ياست الكل 
هاتي ازازه كوگاكولا وحطيها فالصنيه اللي انتي عاوزه الصدا يروح منها واغلي الكوكاكولا او البيبسي فيها وهتشوفي الفرق بنفسك هتلاقي الطاسه بتبرق من كتر اللمعان.. 

◾ طبعا احنا دلوقتي فالشتا وبناكل برتقال وليمون كتير اوووعي بقي ترمي قشر البرتقال ولا قشر الليمون لانه مفيد جدا جدا جدااا،، 
 

تعالي بقي اقولك هنعمل بالقشر ايه: 

👇👇👇👇👇👇👇👇👇👇👇


◾ اولا كدا هاتي حله وحطي فيها قشر البرتقال وقشر الليمون او لو عندك ليمون حطي لمونتين وحطيهم علي  النار وسبيهم يغلو وبعدين اطفي وسبيهم زي مهما منقوعين فالميه بتاعت الغلي بتاعتها يوم كامل، تاني يوم حطي كل الخليط دا فالخلاط وحطي عليه ربع كوبايه خل واضربيهم كلهم مع بعض فالخلاط،، تمام كدا،،

◾ انتي كدا عملتي اقوي منظف حطيه بقي فبخاخه واستخدميه كمنظف وملمع وللبتجاز وغسيل المواعين والاحواض والارضيات والتلميع كل حاجه اعمليها بيه بجد منظف وهمي وطبيعي  ومن حجات موجوده عندك فالبيت بدل مكنتي هترمي القشر لا استفيدي بيه... 🍋🍊💯✔️


◾وصفات جميله وسهله جدا لنظافه وتطهير وتعقيم بيتك. ✔️🌼


يارب اكون اقدرت افيدكم ♥










samah galal
samah galal
كاتبة في مجال الاسرة ، المجتمع، والمواضيع المتنوعة .

تعليقات